(Moscow) 29 Juunyo 2018 Tababare Didier Deschamps ayaa xaqiijiyay in daaficiisa Benjamin Mendy uu seegayo kulanka barri galab ee Argentina.
Xiddigaan ayaa ku dhaawacmay tababarka xulka arbacadii, wuxuuna qabaa dhaawac dhanka muruqa ah oo u diidaya inuu taam u noqdo kulanka barri.
Tababare Deschamps oo ka war bixiyay taam ahaanshaha Benjamin Mendy ayaa yiri:
“Benjamin Mendy diyaar ma ahan, dhibaato yar oo dhanka muruqa ah ayaa haysata sidaas darteed diyaar uma ahan kulanka barri”.
Dhanka kale tababaraha xulka France ayaa xaqiijiyay in Lucas Hernandez uu taam u yahay kulanka Argentina, wuxuuna yiri: “Lucas Hernandez waa diyaar 100%”.
Gool FM