(PSG) 30 Juunyo 2018. Halyayka xulka qaranka Argantina Diego Maradona ayaa ka hadlay fikirkiisa kaga aadan xidiga kooxda Real Madrid iyo xulka qaranka Portugal ee Cristiano Ronaldo.
Cristiano Ronaldo ayaa kaga bilaawday koobka aduunka 2018 ee haatan ka socda dalka Russia qaab ciyaareed aad u wanaagsan, wuxuuna ilaa iyo haatan dhaliyay 4 gool. Saddexdii kulan uu ka soo ciyaaray heerka grou-yada.
“Ronaldo wuxuuu heystaa dad dhinacyadiisa ku hareereysan, ee aqoon fiican u leh sida ay u siinayaan talada ugu fiican uguna macquulsan”.
“Dabcan Cristiano Ronaldo waa xidig weyn waana xaqiiqo, shakina kuma jiro taas”.
Dhinaca kale halyayga reer Argantina Diego Maradona ayaa wuxuu ka hadlay xidiga kooxda Paris-St Germain Neymanr Jr.
“Waa mucjisada kubada cagta, laakiin waxaa ka maqan waxyaabo qaar, laakiin hadii uu si fiican kaga soo kabto dhaawaca, ayaan arki doonaa heerka ugu fiican ee Russia”.
Gool FM.