(PSG) 05 Luulyo 2018. Sida ay wararka xaqiijinayaan Gianluigi Buffon ayaa tijaabada caafimaadka u mari doona kooxda Paris Saint-Germain maalinta Sabtida ee soo aadan, si uu u dhameystiro heshiiskiisa PSG.
Shabakada “Sky Italia” ayaa waxay shaaca ka qaaday in hadii uu Gianluigi Buffon ka gudbo tijaabada caafimaadka si rasmi ah loogu soo bandhigi doono saxaafada.
Wargeysyada ayaa intaa ku daray in Buffon uu loolan cusub la bilaawi doono Paris Saint-Germain, si uu u muujiyo awoodiisa ciyaareed markale kadib markii uu gaaray 40 jir.
Gianluigi Buffon ayaa lagu tiriyaa inuu ka mid yahay goolhaayaasha ugu fiican taariikhda kubada cagta aduunka iyo kooxda Juventus, isagoo kula guuleestay koobab badan ee isugu jira gudaha iyo dibada.
Buffon ayaa kasoo ciyaaray kooxda Juventus mudo dhan 17 sano, wuxuu kula guuleystay wax walba marka laga reebo tartanka Champions League.
Gool FM.