“Thierry Henry waa cadawga France”– Didier Deschamps

(Moscow) 10 Luulyo 2018 Tababaraha xulka qaranka France ee Didier Deschamps ayaa ku tilmaamay Henry inuu yahay caawa cadawga dalkiisa hooyo.

Henry ayaa caawiye u ah tababare Roberto Martinez, wuxuuna caawa ka hortagayaa xulkiisa France waliba kulan aad muhiim ugu ah.

Didier Deschamps ayaa ku tilmaamay wax lala yaabo in Henry uu ka horyimaado xul uu isagu halyeey u yahay. Wuxuuna yiri:

“Marka aad aado koox banaanka ah oo aad ka hor timaado laacib aad isku dal tihiin, waxaad qayb ka tahay cadawga”.

“Markaan waa kulan caalami ah, wax badan ayeey ka sii daran tahay tii hore, wuxuu ka hor imaanayaa dalkiisa hooyo”.

“Tan iyo markii uu noqday caawiyaha Roberto Martinez waa uu ogaa in tani ay dhacayso, waa xaalad adag oo layaab leh, ma ahan wax fudud”.

Gool FM