(Moscow) 10 Luulyo 2018 Tababaraha reer talyaani ee Fabio Capello ayaa saadaal ka bixiyay labada xul ee gaaraya Final-ka koobka adduunka.
Caawa waxaa wada ciyaaraya France iyo Belgium, habeen dambena waxaa wada ciyaaraya Croatia iyo England, laba xul oo kamid ah ayaana u gudbaya Final-ka.
Fabio Capello ayaa filaya in xulalka France iyo England ay isaga hor imaanayaan Final-ka koobka adduunka, wuxuuna sheegay in Ingiriisku uu qaadayo koobka.
Capello ayaa yiri:
“Waxaan filayaa in Final-ka ay isugu imaanayaan France iyo England, haddii labadaas xul ay gaaraan Final-ka, xulka 3-da libaax ayaa ku guulaysanaya koobka”.
Gool FM