(Moscow) 11 Luulyo 2018 Finalkii koobka adduunka ee 1998 uu ku guulaystay xulka France waxaa la ciyaaray 12-July ee 1998, Kylian Mbappe waqtigaas caloosha ayaa lagu siday.
Wuxuuna dhashay 5-bil kadib markii xulka France uu u dabaal dagay koobka adduunka, wuxuuna nasiib u helay xalay inuu xulkiisa la gaaro Final-ka koobka adduunka.
Kylian Mbappe oo la hadlay saxaafada ciyaarta kadib ayaa yiri:
“Adduunka ma joogin 1998 markii xulka Fance uu qaadayay koobka adduunka, waxaan doonayaa markaan inaad xaadir ahaado oo aan ka dhigo dadka kuwo si wayn u dabaal daga, waan samayn doonaa wax walba oo aan ku xaqiijin karno ku guulaysiga koobka”.
Mbappe ayaa la waydiiyay ku guulaysigiisa Ballon d’Or, wuxuuna yiri:
“Muhiim iima ahan Ballon d’Or, waxaan doonayaa inaan ku guulaysto koobka adduunka, waxaan doonayaa inaan seexdo anaga oo agtayda uu yaalo koobka adduunka, marnaba muhiim iima ahan Ballon d’Or”.
Gool FM