(Moscow) 14 Luulyo 2018 Tababaraha xulka qaranka France ee Didier Deschamps ayaa hoos u dhigay qiimaha kabtanka xulka Croatia ee Luka Modric.
Waxaa soo baxay hadal hayn ah in Modric uu ku guulaysan karo Ballon d’Or sanadkaan, balse tababare Didier Deschamps ayaa u arka inuusan gaarin heerkaas.
Wuxuu sheegay in Luka Modric uusan qiimo ahaan gaarin Eden Hazard iyo Lionel Messi, laakiin wuxuu cadeeyay inuu yahay laacib fiican.
Didier Deschamps oo ka hadlay Modric ayaa yiri:
“Luka Modric waa laacib cajiib ah, waa xiddig aad u firfircoon, saamayn badan ayuu ku leeyahay xulkiisa, laakiin qiimo ahaan ma gaaro Eden Hazard iyo Lionel Messi”.
“Waa laacib u badan dhanka difaaca, wuxuu leeyahay tayo aad u saraysa, dabcan wuxuu caawiyaa weerarka balse uma saamayn badna sida Hazard iyo Messi”.
Gool FM