(Moscow) 15 Luulyo 2018 Kabtanka xulka qaranka Belgium ee Eden Hazard ayaa fariin u diray ciyaartoyda xulka qaranka Faransiiska ka hor final-ka koobka adduunka.
Eden Hazard ayaa u sheegay ciyaartoyda Faransiiska inaysan si fudud uga adkaan doonin galabta xulka qaranka Croatia.
Wuxuu xusuusiyay guul daradii lama filaanka ahayd ee 2016 ka soo gaartay xulka Portugal, wuxuuna u sheegay in kulankaan uusan ahayn mid ay ku adkaan karaan 4-0.
Eden Hazard ayaa yiri:
“Marnaba uma ahan Faransiiska kulan fudud, kuma guulaysanayaan 4-0, labo sano ka hor ayeey ku guul daraysteen Final-kii Euro, waa inay taas xusuustaan”.
Gool FM