(Monaco) 17 Luulyo 2018. Kooxda reer France ee Monaco ayaa shaacisay in ay dalab ka gudbisay xidiga xulka qaranka Russia Aleksandr Golovin.
Kooxaha ugu waaweyn qaarada yurub ee Chelsea iyo Juventus ayaa sidoo kale siiseenaya saxiixa xidigan, si ay ugu xoojistaan safkooda.
Madaxweyne ku xigeenka kooxda reer France ee Monaco Vadim Vasilyev ayaa si cad u sheegay in ay dalab ka gudbiyeen xidiga CSKA Moscow ee Aleksandr Golovin.
“Waxaan ka gudbinay dalab wanaagsan ee mudo 5 sano ah ee hada soo socoto”.
“Waxaan u maleynayaa inuu yahay dooqa ugu fiican, wax walba waa in la go’aamiyaa maalmaha soo socda, laga yaabee maanta, ma sugi karno in badan, hadii ay mudo fog noqoto waxaan tix galin doonaa dooq kale”.
Warar horay u soo baxay ayaa sheegaya in Chelsea ay dooneysay inay lasoo saxiixato 22 jirkaan, halka warar kale ay sheegayaan in Juventus ay sidoo kale ku dalbatay € 20 million si ay u hesho saxiixiisa.
Gool FM.