(Berlin) 19 Maajo 2016 Booliiska dalka Germanka ayaa ka digay weeraro lagu qaado dalka Faransiiska ee marti galin doona koobka qaramada qaarada yurub ee 2016.
Sida ay baahisay Bild booliiska Germanka ayaa aaminsan in France wali ay bartilmaameed u tahay waxa ay ugu yeereen argagixiso kuwaas oo lagayaabo inay beegsadaan dhacdada Euro 2016.
Booliiska ayaa aad uga digay weeraro lagu qaado kulanka Furitaanka ee Euro 2016 kaas oo dhex mari doona xulalka France iyo Romania.
Sidoo kale waxay ka digeen kulanka Finalka ee Euro 2016 kaas oo la sheegay inuu halis ugu jiro inuu la kulmo weeraro argagixiso.
Waxayna soo jeediyeen ugu danbayntii in si wayn loo muujiyo foojignaan mudadda 30-ka cisho ah ee uu socon doono koobkaas.
Gool FM