(Paris) 22 Maajo 2016 – Wararka ka imanaya Faransiiska ayaa tibaaxaya in wakiilka qannaaska SSC Napoli ee Gonzalo Higuain uu todobaadkii tegey Paris u joogey wada xaajoodyo uu la lahaa PSG.
Laacibkan caalamiga ah ee reer Argentina ayaa jebiyey rikoodhkii u yaalley goolashii ugu badnaa ee hal xilli laga dhaliyo Serie A kaddib markii uu dhaliyey 36 gool.
Le Parisien ayaana werinaya maanta in Nicola Higuain, oo ah walaalka laacibka oo sidoo kale wakiil u ihi uu todobaadkii hore u duulay Paris isagoo wada hadal la lahaa PSG oo uu xarumeheeda booqday.
Kooxda PSG ee malaayiinta heysata ayaa la fahamsan yahay inay 28-jirkan u aragto bidaalka Zlatan Ibrahimovic oo ka socda kooxdan Ligue 1, iyadoo 2012 ku sigatay inay Higuain qaadato kahor inteeysan u beeyrin Ibra, waxaana laacibkan qandaraaskiisa lagu fasiqi karaa €60m oo la baro kooxda Partenopei.
NAPLES, ITALY – OCTOBER 26: Gonzalo Higuain of Napoli celebrates after scoring his goal during the Serie A match between SSC Napoli and Hellas Verona FC at Stadio San Paolo on October 26, 2014 in Naples, Italy. (Photo by Maurizio Lagana/Getty Images)
Gool FM