(Paris) 07 Agoosto 2018 PSG ayaa dadaalkii ugu danbeeyay ugu jirta sidii ay heshiis cusub uga saxiixi lahayd laacibkeeda Adrien Rabiot.
Xiddiga reer France ayaa diirada u saaran kooxda Barcelona, waxaana jira inuu heshiis hoose la gaaray kooxda reer Spain.
Shabakada CalcioMercato ayaa daaha ka qaaday in PSG ay isku daygii ugu danbeeyay ku jirto si ay u sii haysato Adrien Rabiot oo doonaya inuu ka tago.
Qandaraaska Adrien Rabiot ee PSG ayaa dhacaya dhamaadka xiliciyaareed kaan, kooxda ayaana soo hordhigtay heshiis cusub.
Isbuuc gudihiis ayaa la filayaa in laacibku uu jawaab ka bixiyo dalabka ay soo hordhigtay kooxdiisa.
Gool FM