(PSG) 08 Agoosto 2018. Goolhaayihii hore xulka qaranka France isla markaana kula soo guuleestay koobka aduunka 1998 ee Bernard Lama ayaa carabka ku adkeeyay sida ay u adag tahay in kooxdiisii hore ee PSG ay ku tiirsanaato kaliya Neymar Jr.
Bernard Lama ayaa sidoo kale sheegay in Neymar Jr uusan noqon doonin sida Zlatan Ibrahimovic oo kale ee leh qaab ciyaareed kala duwan.
Laacibkii hore xulka qaranka France oo lagu tiriyo inuu yahay mid ka mid ah halyeeyada kooxda Paris Saint-Germain .ayaa u sheegay majalada France Football in PSG inaysan suuragal u noqon doonin in kaliya ay ku tiirsanaadaan Neymar Jr.
“Suuragal ma noqoneyso in PSG ay ku tiirsanaato kaliya Neymar Jr. isagu ma ahan sida Zlatan Ibrahimovic oo kale”.
“Niemar Jr wuxuu isku moodaa inuu ka weyn yahay kooxda Paris Saint-Germain, tani waa dhibaatada heysata maamulka kooxda, sababa la xiriira in shaqsiyadooda aysan xooganeen”.
“Sidoo kale Paris Saint-Germain ma ahan koox dhaqan ahaan u weyn sida Real Madrid, Liverpool iyo Bayern Munich oo kale”.
Gool FM.