(Paris) 12 Agoosto 2018 Kooxda PSG ayaa ku guulaysatay saxiixa daafaca kooxda Schalke04 ee Thilo Kehrer kaas oo ay uga adkaatay kooxo badan.
21 jirkaan reer Jarmal ayaa kula jira Schalke heshiis dhacaya dhamaadka xiliciyaareed kaan, kooxdiisa ayaana ku dadaalaysay inay ka saxiixdo heshiis cusub.
Laakiin PSG ayaa miiska u saartay kooxda Schalke lacag dhan 37 milyan oo euro si ay u hesho Thilo Kehrer sida ay baahisay Bild.
Maalmaha soo socda ayuu si rasmi ah ugu biirayaa Thilo Kehrer safka kooxda reer France kadib markii ay isku afgarteen labada kooxood saxiixiisa.
Gool FM