(Paris) 23 Maajo 2016 Kooxda PSG ayaa durbadiiba bilowday raadinta badalka laacibkooda qadka dhexe ee Thiago Motta kaas oo ka tagi doona suuqaan xaggaaga.
L’Equipe ayaa sheegaysa in PSG ay diyaarsatay aduun lacageed dhan 15 milyan oo euro si ay ula soo wareegto 31 jirka reer France ee Lassana Diarra.
Laacib kaan ayaa qaab ciyaareed fiican ku soo bandhigay kooxda Marseille xiliciyaareedkii dhamaaday, PSG ayaana u aragta badalka ku haboon ee laacibkooda Motta.
Lassana Diarra ayaa la soo sheegayaa inuu dhamaan shuruuda gaarka ah kala heshiiyay masuuliyiinta kooxda PSG, waxaana dhiman in labada kooxood ay isku afgartaan saxiixiisa.
Wararka ayaa intaa ku daraya in Lassana Diarra uu isku diyaarinayo ku biirida PSG marka uu soo idlaado Euro 2016.
Gool FM