(Paris) 15 Sab 2018 Neymar ayaa si lama filaan ah ku seegay kulankii xalay PSG ay 4-0 uga adkaatay kooxda Saint Etienne ee horyaalka France.
Tababaraha PSG ee Thomas Tuchel ayaa sheegay sabab la yaab leh oo kaliftay in Neymar uu seego kulankii xalay ee kooxdiisa.
Tuchel ayaa sheegay in Neymar ay ku dhacday hurdo yari sababtaas darteedna uu awoodi waayay inuu ciyaaro kulabkii xalay ee Saint Etienne.
Arintaan waxaa sababay safarkii dheeraa ee laacibku uu ku aaday Latin America isbuucii la soo dhaafay, wuxuuna dib ugu soo laabtay France isaga oo aad u daalan.
“Neymar? Sifiican uma hurdin habeenkii la soo dhaafay, subixii jimcaha ayaan wada hadalnay, marwalba wuxuu i dhihi jiray “Haa, waxaan doonayaa inaan ciyaaro” balse markaan wuxuu i yiri “Maya, ma ciyaari karo” ayuu yiri tababare Tuchel.
“Marka Neymar uu sidaas dhaho waxay la mid tahay digniin maskaxeed, si dhab ah ayaan u wadahadalnay, waxaan is lahaa 45-daqiiqo waa uu ciyaari karaa, laakiin haddii uusan xaalad fiican ku jirin qatar ma galinayo”.
Gool FM