(Yurub) 16 Okt 2018. Macalinkii hore ee kooxda Arsenal Arsène Wenger ayaa qemeyn ku sameeyay guuleystaha abaalmarinta Ballon d’Or 2018, oo ay dhawaan bixin doonto majalada caanka ah ee France Football.
Arsène Wenger ayaa wareysi uu la yeeshay wargeyska “L’Equipe” ee dalka France ayaa wuxuu sheegay in sanadkan uu ku guuleysan doono mid ka mid ah ciyaartoyda xulka qaranka France.
“Ma aqaano cida ku guuleysan doonta abaalmarinta, lakiin waxaan qabaa inuu noqon doonto Faransiis, waa xulasho macquul ah, ka dib ku guuleysigooda Koobkii Aduunka 2018
“UEFA Champions League waa heer kale, laakiin ma garanayo in horyaalada maxalliga ah ay lahaan doonaan doorka ugu weyn ee lagu go’aamin karo ku guuleysig abaalmarintan iyo inkale”.
“Laakiin waxaan qabaa in ciyaaryahan Faransiis ah uu ku guuleysan doono abaalmarintan”.
Majalada Faransiiska ah ayaa ku dhawaaqday liiska musharixiinta abaalmarintan ee ka koobnaa 30 ciyaaryahan, ay ku jiraan lix ciyaaryahan oo Faransiis ah oo ay ka mid yihiin Paul Pogba, N’Golo Kanté, Antoine Griezmann, Raphael Varane, Hugo Lloris, Kylian Mbappé lagu daray Karim Benzema.
Si kastaba guuleystaha abaalmarinta Ballon d’Or 2018 ayaa lagu dhawaaqi doonaa kadib xaflad la qaban doono 3-da bisha soo aadan ee Diseembar.
Gool FM.