(PSG) 16 Okt 2018. Khadka dhexe kooxda Manchester City iyo xulka qaranka Portugal ee Bernardo Silva ayaa sheegay inuu si weyn ugu taageerayo laacibka PSG ee Kylian Mbappé inuu ku guuleysto abaalmarinta xiisaha badan ee Ballon d’Or.
19 jirkaan ayaa loo magacaabay inuu qeyb ka yahay liiska musharaxiinta ku tartameysa abaalmarinta Ballon d’Or, kadib doorka muhiimka ahaa uu kasoo qaatay in xulka France uu kusoo guuleysto koobka aduunka 2018 ee dalka Russia.
Kylian Mbappé oo ka soo dhaqaaqay kooxda Monaco ayaa u dhaliyay 21 gool xili ciyaareedkiisa ugu horeeyay ee kooxda Paris Saint-Germain.
Bernardo Silva ayaa yiri: “Qofna ma aysan ogeyn inuu sameynayo, wixii uu si dhaqso ah ku sameeyay”.
“Kulankiisii ugu horeeyay wuxuu kahor yimid kooxda Manchester City, waxaan qabaa inay dadku xusuustaan kulankan”.
“Uma maleynayo inuu ku guuleysan doono sanadkan abaalmarinta Ballon d’Or, laakiin wuxuu ku sameyn doonaa arintan muddo sanado gaaban, waxaan u maleenayaa sanadkan inay ku guuleysan doonaan midkood xidigaha Modric ama Ronaldo”.
Gool FM.