(PSG) 15 Okt 2018. Sida aya shaaca ka qaadeen wargeysyada kasoo baxa gudaha dalka Spain maanta oo Isniin ah kooxda Paris St Germain ayaa la damacsan Barcelona inay ka dul qaado xidiga khadka dhexe kooxda Ajax iyo xulka Holand Frenkie de Jong.
Wargeyska “Mundo Deportivo” ee dalka Spain ayaa wuxuu shaaca ka qaaday in kooxda Barcelona ay loolan adag kala kulmi doonto dhigeeda Paris St Germain raacdada ay ugu jirto saxiixa Frenkie de Jong.
Frenkie de Jon ayaa wuxuu bar-tilmaameed buuxa u ahaa kooxda Barcelona xiliyadii lasoo dhaafay, waxayna si weyn ugu dhagan yihiin inay sameeyaan saxiixiisa suuqa xagaaga ee soo aadan.
Ernesto Valverde ayaa si weyn ula dhacsan qaab ciyaareedka laacibka da’ada yar ee khadka dhexe kooxda Ajax iyo xulka Holand Frenkie de Jong, wuxuuna doonayaa inuu qeyb kasoo noqdo qorshihiisa kooxda.
Si kastaba Kooxda Ajax ayaa iska diiday 2 dalab ee kaga yimid Barcelona si ay ula saxiixdaan Frenkie de Jong, laakiin markan waxaa loolanka qeyb kasoo noqotay kooxda reer Paris St Germain, taasoo xaalada kusii xumeeneyn karta Barca.
Gool FM.