(France) 15 Okt 2018. Macalinka xulka qaranka France ee Didier Deschamps ayaa sheegay in macalinka cusub ee kooxda Monaco Thierry Henry uu leeyahay wax walba ee looga baahan yahay inuu kula guuleysto kooxdiisa cusub.
Monaco ayaa Sabtidii u magacaawday Thierry Henry macalinka cusub ee kooxdeeda, si uu u noqdo badalka Leonardo Jardim oo khamiistii lasoo dhaafay shaqada laga ceeriyay
Didier Deschamps ayaa yiri: “Waan la xiriiray, laakiin ma aanan siin wax talo ah”.
“Thierry Henry waa diyaar, wuxuu sameeyay wax walba si uu u soo gaaro heerkan, waa diyaar wuxuuna si buuxda ayuuna u xamaasadeysan yahay, wuxuu leeyahay wax walba oo uu ku noqon karo tababare wanaagsan”.
Si la mid ah Robert Pirès ayaa isna dhankiisa ayaa ka hadlay xilka cusub ee loo magacaabay Thierry Henry, mar uu la hadlayay shabakada Sky Sports.
“Waxaan u maleynayaa inuu guulo la gaari doono kooxda Monaco, sababatoo ah Thierry Henry wuxuu jecel yahay kubada cagta, wuxuuna garanayaa wax walba ee kubada cagta ku saabsan, ciyaartoyda iyo kooxaha, sidaas darteed aad ayaan ugu kalsoonahay Henry”.
Gool FM.