(London) 24 Nof 2018. Madaxwaynaha kooxda Real Madrid Florentino Perez ayaa suuqa Janaayo oo ay wax ka harsan yihiin wada bartilmaameedanaya xiddigaha Eden Hazard iyo Edison Cavani.
Inkastoo ay sheekada Cavani yare u muuqato mid sahlan laakiin Hazard ayay dhib badan ka mari doonaan helitaankiisa maadaama ay Chelsea dooneyn inay iska fasaxdo xiddigeeda kal ciyaareedka ku jira qaab ciyaareedka sare.
Don Balon ee dalka Spain ayaa warinaya in Perez uu bartilmaameedkiisa koowaad ka dhiganayo xiddigaha kooxda Chelsea iyo PSG.
Blues ma doonayaan inay iska iibiyaan Hazard, laakiin laacibka reer Belgium weli uma saxiixin heshiis cusub iyadoo qiimiisuna uu ku kacayo 100 milyan, laakiin haddii ay Madrid heshiiska qeyb uga dhigto Marcos Asensio ama laacib kale wuxuu ka caawin doonaa inay yareyso qiimahaas.
Cavani oo ay sidoo kale xiiseynayso camaaliqada reer Spain ayaa ka soo tagi kara kooxda reer France maadaama ay isku dhacsan yihiin xiddiga ugu qaalisan kooxdaasi ee Neymar, balse wuxuu walaac ka taagan yahay mushaarka qaaliga ah uu qaato xiddigan ka wayn 30-jirka.
Gool FM.