(Paris) 04 Dis 2018. Weeraryahanka kooxda Atletico Madrid Antoine Griezmann ayaa u hambalyeeyay xidiga kooxda Real Madrid ee Luka Modrić, ka dib markii uu ku guuleystay abaal marinta xidiga ugu fiican aduunka ee Ballon d’Or 2018, taasoo ay gudoonsiisay majalada caanka ah France Football.
Luka Modrić ayaa soo afjaray gacan ku heynta abaal marintan Ballon d’Or ee xidigaha Cristiano Ronaldo iyo Lionel Messi, kuwaasoo kusoo guuleestay mudada 10-kii sano ee lasoo dhaafay.
Kadib marka ay soo idlaatay xaflada caasimada dalka France ee Paris Antoine Griezmann ayaa hambalyo iyo boggaadin u diray laacibka kooxda Real Madrid Luka Modrić.
“Waxaan ugu yaraan ku faanayaa inaan ka mid noqday musharrixiinta abaal marinta Ballon d’Or 2018”.
“Waxay ahayd inaan kasoo qeyb galo xafladan si walba ay natiijada noqoto, waxaan halkan u taaganahay inaan ixtiraamo saaxiibadey iyo dhamaan musharrixiinta”.
“Waxaan rajeynayaa inaan sida ugu dhaqsida badan ku noqdon doono booska uu haatan taagan yahay Luka Modrić, waxaan xili kasta ku tiirsanahay saaxiibadeey xulka iyo kooxda”.
“Waxaan ku soo guuleestay koobka aduunka 2018, UEFA Europa League, UEFA Super Cup, taasina ma ahan arin xun”.
Gool FM.