(Paris) 04 Dis 2018. Laacibka kooxda PSG ee Kylian Mbappé ayaa ka hadlay dareenkiisa kadib markii uu ku guuleystay abaal marinta Kopa Trophy ee ah laacibka ugu fiican adduunka ee xiddigaha da’doodu ka yartahay 21- jirada.
Kylian Mbappé ayaa ku garaacay ku guuleysiga abaal marinta Kopa Trophy ciyaartoy fara badan ee ka mid ahaa da’ayarta ugu fiican sanadkan 2018, sida Alexander-Arnold, Rodrigo, Christian Pulisic iyo wiilka uu dhalay laacibkii hore kooxda Barcelona Patrick Kluivert ee Justin Kluivert.
Da’ayarka reer France ayaa kadib marka uu ku guuleesatay abaal marintan wuxuu ka hadlay dareenkiisa kaga aadan wuxuuna yiri:
“Waan ku faraxsanahay inaan ku guuleysto abaalmarintan, wuxuu ahaa sanadkii iigu fiicnaa, inaan ku guuleysto abaal marintan”.
“Waxaan kaga mahad celinayaa dhamaan saaxiibadey ku sugan kooxda Paris Saint-Germain, sidoo kale waxaan u mahad celinayaa saaxiibaday xulka qaranka France”.
Mbappé ayaa kula guuleystay afar koob kooxda Paris Saint-Germain sanadkan 2018, dhamaantood waxay ahaayeen tartamada gudaha dalka France, balse waxaa intaas u sii dheer in uu xulkiisa kula guuleystay koobka aduunka 2018 ee ka dhacay dalka Russia.
Gool FM.