(France) 29 Maarso 2019. Xidiga reer Brazil iyo kooxda Paris Saint-Germain ee Neymar Jr ayaa amaanay saaxiibkiis Kylian Mbappé.
Neymar Jr ayaa wareysi uu bixiyay wuxuu kaga hadlay saaxiibkiis ay isku kooxda yihiin ee reer France wuxuuna yiri:
“Mbappé waa ciyaaryahan dagan ee xiiso leh, waa xidig da’ayar ah ee heli kara waayo-aragnimo badan”.
“Wuxuu sameyn karaa tallaabo weyn uu kaga fiicnaan karo heerka uu haatan gaarsiisan yahay, shaki kama qabo inuu ka mid noqon doono mid ka mid ah magacyada ugu caansan taariikhda kubadda cagta”.
Neymar Jr ayaa intaas kadib, wuxuu ka hadlay saftiisa wuxuuna yiri:
“Waxaan gaaray 27 sano, wax badan ayaan heystaa ee aan ka sameyn karo garoomada, waxaan sameeyay guulo waaweyn, balse kuma joojin doono meel mucayan ah”.
“Ma dhihi karo waxaan ugu fiicanahay kubadda cagta dalka Brazil kadib Pele, sababtoo ah waxaa jira farqiga xidigaha kala duwan sida Zico, Romario, Rivaldo, Ronaldinho iyo Roberto Carlos, kuwaasoo si weyn ugu soo raaxeystay taariikhdooda kubadda cagta”.
“Dhamaan xidigahaan waa kuwa aan kaga daydo kubadda cagta, waxaana isku dayi doonaan inay ii noqdaan tusaale”.
Gool FM.