(France) 23 Maajo 2019. Macalinka kooxda Paris Saint-Germain ee Thomas Tuchel ayaa si layaab leh kaga hadlay mustaqbalka xidigihiisa Neymar Jr iyo Kylian Mbappé.
Hadalka Thomas Tuchel ayaa wuxuu imaanayaa kaddib shir jaraa’id uu kasoo muuqday, kahor kulanka ay habeen dambe kula ciyaari doonaan kooxda Reims horyaalka France – Ligue 1.
Macalinka reer Germany ayaa kaga dhawaajiyay shirkan jaraa’id suurtagalnimada ay labadan ciyaaryahan kaga dhaqaaqi karaan kooxda Paris Saint-Germain xiliyada soo aadan.
“Haa, hadii aan u hadlo ka tababare ahaan ee kooxda, waxaan doonayaa inay sii joogaan, laakiin hadii aysan taasi dhicin waxaa hubaal ah inaan raadin doono xal kale”.
“Haa, tababare ahaan waxaan doonayaa inay sii joogaan, lakiin waan ka warqabnaa waxa dhacaya, mana ku farxin, sababtoo ah kooxaha waxay doonayaan inay shaqaaleysiiyaan ciyaartoy badan”.
“Labada ciyaaryahan waxay mas’uuliyad ka saaran tahay kooxda, Neymar iyo Mbappé waxay heystaan qaab ciyaareed heersare ah, waxay mar walba doonayaan inay goolal dhaliyaan isla markaana ay ku guuleystaan koobab”.
Gool FM.