(Paris) 13 Juunyo 2019. Xulka qaranka Gabdhaha China ayaa guul muhiim ah 1-0 ka gaartay dhiggooda South Africa kulan ka tirsan heerka guruubyada Koobka Adduunka ee haweenka 2019.
kulankan ayaa ka tirsanaa group-ka B ee koobka Adduunka Dumarka.
Qeybtii hore ee ciyaarta ayaa lagu kala nastay 0-1 ay ku horkacayeen xulka gabdhaha China.
Daqiiqadii 40-aad xulka qaranka Gabdhaha ee China ayaa hogaanka u qabtay ciyaarta, waxaana goolka u dhalisay Li Ying oo cawin ka heshay saaxiibteed Zhang Rui, waxayna ciyaarta sidaas ku noqotay 1-0.
Qeybtii labaad ee ciyaarta marka dib leysugu soo laabtay xulka gabdhaha labada xul ayaa halkooda ka sii watay bandhigoodii fiicnaa ee dheesha, si ay u abuuran fursado ay ku dhalin karaan goolal, balse way ku fashilmeen inay sidaas sameeyaan.
Ugu dambeyn kulanka ayaa ku soo dhammaaday 1-0 oo xulka gabdhaha China ay kaga adkaadeen dhiggooda South Africa kulan ka tirsan heerka guruubyada Koobka Adduunka ee haweenka 2019.
Gool FM.