(London) 25 Luulyo 2019. Kooxda kubadda cagta Arsenal ayaa Tottenham ku garaacday saxiixa da’yarka William Saliba.
Difaacan William Saliba ayay Gunners 27 milyan oo gini kaga soo qaadatay kooxda Saint-Etienne, kaddib markii goor hore ee maanta ay shaacisay saxiixa Dani Ceballos oo ay amaah ugala soo wareegeen Real Madrid.
18-sano jirkaan Saliba ayaa qalinka ugu duugay qandaraas shan sanadood ah, waxaana uu xirfaddiisa ku si horumarin doonaan xilli ciyaareed soo socda kooxda Ligue 1 oo uu ugu dheeli doono qaab amaah, ka hor ita uusan Arsenal ku soo biirin xagaaga 2020.
Si kastaba ha ahaatee, saacado ka hore ayey ahayd markii Arsenal ay xaqiijisay saxiixa laacibkii khadka dhexe ee kooxda Real Madrid, Dani Ceballos kaasoo ay kula soo wareegeen heshiis amaah hal xilli ciyaareed ah.
Ceballos kaasoo sidoo kale la la xiriirinayey kooxda Tottenham ayay Arsenal shaacisay inuu u xiran doono maaliyadda lambarka 8-aad oo uu ka tagay Aaron Ramsey.
William Saliba ayaa noqonaya saxiixii saddexaad oo ay xagaagan sameyso kooxda Arsenal, kaddib maanta oo ay la soo wareegeen xiddiga khadka dhexe ee Real Madrid Dani Ceballos oo ay amaah ku soo qaateen iyo da’yarka reer Brazil ee Gabriel Martinelli oo ahaa saxiixoodii koowaad ee xagaaga.
Gool FM.