(Nice) 29 Agoosto 2016. Madaxwaynaha naadiga Nice ee horyaalka Faransiiska Jean-Pierre Rivere ayaa kooxdiisa u doonaya weeraryahanka Liverpool ee Mario Balotelli.
Wiilka mashaqada badan ee laga nacay Anfield ayaa la warinayaa inuu la kulmay mudane Rivere si uu ugala hadlo suura galnimada uu kooxdiisa ugu soo biirayo.
Naadiga Nice ayaa sameysay bilow cajiib ah ee horyaalka Faransiiska xilli ciyaareedka cusub iyadoo urursatay 7-dhibcood saddexdii kulan ee ugu horreysay.
Mar uu hadlay madaxwaynaha kaddib bar-barihii 1-1 ay la galeen Lille sabtidii ayuu yiri: “Ma heysaa Lambarka Balotelli?”.
“Wac oo u sheeg inaan weeraryahan u dooneyno Nice.”.
26-jirka reer Talyaan ayaa sanadkii la soo dhaafay heshiis amaah ah ku soo qaatay AC Milan, balse ku soo dhibtooday kaddib markii uu dhaliyay kaliya 3-gool 23-kulan uu u saftay dhammaan tartamada.
Gool FM.