(Munich) 30 Agoosto 2016 Tababaraha kooxda Bayern Munich Carlo Ancelotti ayaa ka hadlay kooxaha ku guulaysan kara horyaalada Spain, talyaaniga, ingiriiska iyo faransiiska.
Ancelotti ayaa sidoo kale qiyaasay ciyaartoyda ku guulaysan kara gool dhalinta dhamaan horyaaladaas, wuxuuna ka gaabsaday ka hadlaka horyaalka Garmalka.
Carlo Ancelotti ayaa sheegay in Real Madrid ay ku guulaysan doonto horyaalka Spain, halka Ronaldo uu ku guulaysan doono gool dhalinta.
“Horyaalka Spain? way adagtahay in la saadaaliyo, laakiin waxaan rumaysanahay in sanado badan kadib ay Real Madrid ku guulaysan doonto horyaalka, halka Ronaldo uu qaadi doono gool dhalinta”. ayuu yiri Ancelotti.
“Talyaaniga? waxaan rumaysanahay in Juventus ay qaadi doonto markale isla markaana Higuain uu qaadi doono gool dhalinta”.
“France? PSG ayaa ku guulaysan doonta horyaalka, halka Cavani uu noqon doono gool dhaliyaha horyaalka faransiiska”.
“Ingiriiska? Lama saadaalin karo, waxaa jira laba koox oo waa wayn oo ka dhisan Manchester lagayaabee in Man City ay u dhawdahay, laakiin Ibrahimovic ayaa noqon doona gool dhaliyaha horyaalka”.
Gool FM