(London), 06 September 2016 –Wakiilka Laacibkii hore ee Liverpool, Mario Balotelli ayaa weli sii wada weerarrada uu ku wado Tababaraha Liverpool, Jurgen Klopp kaddib markii uu si bilaash ah ku diray Mario oo heshiis sanad ah u saxiixay kooxda OGC Nice ee Faransiiska.
Mino Raiola oo 48 jir ah, wareysina siinayay ‘talkSPORT’ ayaa waxa uu yiri “Balotelli wuxuu ahaa laacib ka tirsan Liverpool, waxayna ahayd in si xushmad leh loola dhaqmo, balse Klopp sidaa ma uusan samaynin”.
“Mario dhowr jeer ayuu ka dalbaday Klopp inuu fursad uu ku ciyaaro siiyo oo xitaa kulammada saaxiibtinimo uu ciyaarsiiyo, maalin walba ayuu tababar samayn jiray waxa uu u baahan yahayna kaliya waxay ahayd in la ciyaarsiiyo 90 daqiiqo, laakiin 60 maalmood ayuu baryayay Klopp, nasiib darro wuu iska dhega tiray” ayuu sii raaciyay Raiola.
“Aniga Klopp tababare uma arko, mana la dhacsani waxa uu samaynayo calaa kulli xaal, laakiin waxay ahayd in uu Balotelli siiyo fursad uu ku dheelo” ayuu si kulul u yiri wakiilka Mario.
Gool FM
ICYMI: Mino Raiola says Jurgen Klopp ‘failed to treat Mario Balotelli with respect’ https://t.co/pjW122ielx #LFC pic.twitter.com/G8jM7YX5bq
— talkSPORT (@talkSPORT) September 6, 2016