(London) 25 Jan 2020. Macalinka kooxda kubadda cagta Chelsea ee Frank Lampard ayaa ka hadlay wararka la xiriirinaya Moussa Dembélé.
Frank Lampard ayaa wuxuu si cad u beeniyay suurtogalnimada ay kooxdiisa Chelsea kula soo saxiixan karto weeraryahanka da’ada yar naadiga Lyon ee Moussa Dembélé.
Kooxda Chelsea ayaa la dhibtooneysa dooq yari ka heysata dhanka weerarka iyadoo uu dhaawac soo gaaray gooldhaliyaheeda Tammy Abraham, halka Olivier Giroud lala xiriirinayo inuu ka dhaqaaqayo bishan Janaayo, haddana Lampard ayaa wuxuu muujiyay inuusan xiiso u qabin la soo saxiixashada weeraryahan cusub.
Wargeysyo badan ayaa waxay dhowr jeer shaaca ka qaadeen warar ku saabsan jiritaanka wadahadalo u dhexeeya kooxda Chelsea iyo ciyaaryahanka reer Uruguay iyo kooxda PSG ee Edinson Cavani, iyo inay loolan adag kala kulmeyso saxiixiisa Atletico Madrid.
Si kastaba ha noqotee, Saacadihii ugu dambeeyay waxaa soo baxay warar sheegaya in kooxda kubadda cagta Chelsea ay kula soo saxiixaneyso Moussa Dembélé qiimo dhan 40 milyan euro.
Laakiin Frank Lampard oo shir jaraa’id ka soo muuqday ayaa wuxuu shaaca ka qaaday wararka la xiriirinaya Chelsea saxiixyada Moussa Dembélé iyo Edinson Cavani wuxuuna yiri:
“Sheekooyinkan waa kuwo qaldan, anigu wax wadahadal kulama jiro marka kuuma sheegi karo arrintaas” ayuu yiri macalinka kooxda Chelsea ee Frank Lampard.
Gool FM.