(Paris) 10 Feb 2020. Kylian Mbappé hooyadiis ayaa sheegtay in wiilkeeda uu sida cad ugu ciyaari doono koox ka dhisan dalka dalka Spain, marka uu suuqa xagaaga ka tago kooxda uu haatan ka tirsan yahay ee PSG.
Weeraryahanka kooxda Paris-St Germain ee Kylian Mbappé ayaa muran xooggan dhaliyay sawir uu soo dhigay boggiisa rasmiga ah baraha bulshada ee Instagram -ka xilli uu ku gudi jiro fasaxiisa xagaaga.
Kylian Mbappé ayaa la la xiriirinayay inuu ka tagayo kooxda Paris St Germain Isbuucyadii dhowaa, Real Madrid ayaana ah kooxda sida xooggan u xiiseenaya inay helaan adeeggiisa.
Sidoo kale waxaa jiray warar kale oo tilmaamayaya in Mbappe uu ku sii jeeedo kooxda Liverpool, balse Mbappe Hooyadiis ayaa ugu dambeyn sheegtay in wiilkeeda uu ka tagi doono xagaaga PSG oo uu u ciyaari doono Naadiga Real Madrid.
Sida uu sheegay Suxufiga Frédéric Hermel ee ka howlgala Wargeyska L’Equipe ee ka soo baxa Faransiiska: “Waxaan xusuustaa hadalka Mbappé hooyadiis iyadda oo leh: ‘Kylian wuxuu u ciyaari doonaa Real Madrid, way caddahay, waana wax qoran’.”
Yeelkeeede, Mbappé ayaa la fahansan yahay inay riyadiisu tahay ku biirista Kooxda Real Madrid inkastoo su’aasha ay tahay waqtiga uu caga dhigan doono kooxda ka dhisan caasimadda Spain.
Gool FM.