(Paris) 23 Abril 2020. Weeraryahanka Paris Saint-Germain ee Neymar ayaa lagu soo waramayaa inuu aqbali lahaa inuu 26 milyan oo gini ka dhimo mushaharkiisa si uu markale ugu biiro Kooxda Barcelona inta lagu jiro suuqa kala iibsiga xagaaga.
Xiddigaha xulka qaranka Brazil ayaa weli la la xiriirinayaa inuu ku laaban doono garoonka Camp Nou, waxaana loo maleynayaa in kooxda heysata horyaalka Spain ay isku deyi doonto inay heshiis la gaarto xagaagan, inkastoo uu dillaacay caabuqa coronavirus.
Si kastaba ha noqotee, sida ay warinayso Jariiradda Mundo Deportivo Neymar Jr waa inuu aqbalaa mushahar dhimis weyn haddii uu ku laabanayo Spain ka hor fasal ciyaareedka 2020-21.
Warbixinta ayaa sheegaysa in PSG ay diyaar u tahay inay weeraryahankan u soo bandhigto mushahar cusub oo la wanaajiyay, iyadoo mushaharka sannadlaha ah ee uu qaadataa uu yahay 44 milyan oo gini oo ay ku jirto heshiis 12 milyan oo gini ah oo ay la galeen Bangiga Qaranka ee Qatar.
Si kastaba ha ahaatee, Barca ayaa kaliya la sheegay inay diyaar u tahay inay bixiso oo ay siiso 28-sano jirkaan adduun dhan 18 milyan oo gini xilli ciyaareedkiiba.
Neymar ayaa markale qaab ciyaareed wanaagsan ku soo bandhigay kooxda PSG intii lagu jiray xilli ciyaareedkii 2019-20, isagoo shabaqa soo taabtay 18 jeer 22 kulan oo uu saftay tartammada oo dhan.
Xiddigan ka soo jeeda Koonfurta Ameerika ayaa dhaliyay 105 gool 186 kulan oo uu u saftay Barca intii u dhaxeysay 2013 iyo 2017, isagoo kula guuleystay labo horyaal La Liga iyo Champions League intii uu joogay Spain.
Gool FM.