(Turin) 25 Abril 2020. Sida ay warinayso Jariiradda RMC Kooxda kubadda cagta Juventus ayaa Real Madrid kula biirtay tartanka loogu jiro saxiixa 17-sano jirka naadiga Rennes ee Camavinga.
Suxufiga la yiraahdo Mohamed Bouhafsi ee ka howl-gala Shabakadda RMC ayaa warinaya in Kooxda reer Talyaani ee Juventus ayaa kula tartami doonto midda reer Spain ee Real Madrid saxiixa 17-sano jirka Rennes ee Camavinga.
Warbixinta ayaa sheegaysa in Kooxda reer France ee Rennes ay weydiisan doonto adduun dhan 60 milyan euro ama 70 milyan oo euro kooxaha doonaya adeegga laacibkan, si ay u bixiso da’yarkeedan hibada ciyaareed leh.
Eduardo Camavinga hibadiisa waxaa arkay inta badan koox walba oo Yurub ka dhisan, qandaraaskiisuna waxa uu dhammaanayaa haatan 30-ka bisha June ee sanadka 2022-ka.
Gool FM.