(Paris) 28 Abril 2020. Sida wararku ay sheegayaan ciyaaryahankii hore ee ugu fashilmay Chelsea ee Bakayoko ayaa bartilmaameed u noqday naadiga PSG suuqa kala iibsiga xiddigaha.
Wargeyska The Sun ayaa warinaya in Faloobkii hore ee Chelsea, Tiemoue Bakayoko uu si lama filaan ah diiradda ugu fuulay Kooxda haysata horyaalka Ligue 1 Faransiiska ee PSG.
Laacibka khadka dhexe ee Chelsea, kaasoo hadda amaah ugu ciyaara naadiga Monaco ayaa ku guuldarreystay inuu si wacan kaga soo muuqdo bilowga waayihiisii garoonka Stamford Bridge tan iyo markii uu ku soo biiray sanadkii 2017.
Bakayoko ayaa xilli ciyaareedkii hore ku qaatay AC Milan, waxaana uu haatan ku laabtay Kooxdiisii hore ee Monaco, halkaasoo uu magaciisa ka hor kaga dhigtay inta uusan lacag badan u dhaqaaqin England.
Gool FM.