(Paris) 04 Maajo 2020. Weeraryahanka kooxda Paris Saint-Germain ee Kylian Mbappe ayaa lagu soo warramayaa inuu miisaamayo qandaraas cusub oo uga yimaada kooxda haysata horyaalka Faransiiska xilli ay xiiseynayso Real Madrid.
Ku guuleystaha Koobkii Adduunka ee 2018 wuxuu ku riyaaqay olole heer sare ah oo ay la galeen PSG ka hor inta uusan si lama filaan ah u dilaacin caabuqa coronavirus, isagoo ku dhammeystay hannaan wanaagsan wuxuu sido kale qeyb ka ahaa tartanka gooldhalinta, isaga iyo Wissam Ben Yedder waxay kal ciyaareedkan dhaliyeen min 18-gool.
Qandaraaska uu haatan Mbappe ku joogo Caasimadda Faransiiska ayaa dhacaya dhammaadka 2022-ka, waxaana Real la sheegayaa inay xiiseynaysay 21-sano jirkaan.
Si kastaba ha noqotee, sida laga soo xigtay Wargeyska L’Equipe, PSG waxaa ka go’an inay sii haysato xiddiga heerka caalami ee dalka France, waxayna soo bandhigtay dalab qandaraas cusub ah; kaasoo u muuqda inuu Mbappe helayo lacag la mid ah kan uu helayo Neymar.
Warbixinta ayaa sidoo kale soo jeedineysa in Mbappe uu degay Paris, isla markaana uusan dooneynin inuu ka dhaqaaqo kooxda Thomas Tuchel goor dhow, halkaasoo uu 90 gool ka dhaliyay 120 kulan oo tartammada oo dhan ah tan iyo markii uu ka yimid Naadiga Monaco.
Gool FM.