(Paris) 04 Maajo 2020. Daafaca kooxda kubadda cagta Paris Saint-Germain ee Kimpembe ayaa magacaabay Weeraryahanka ugu adag ee uu wajahay waayihiisa ciyaareed.
PSG difaaceeda Kimpembe waxa uu magacaabay Benzema, kaasoo uu u arko inuu yahay weeraryahankii ugu adkaa ee uu abid wajahay.
Inkastoo uu ka hor tagay xiddigo ay ka mid yihiin Ronaldo iyo Messi, haddana difaaca dhexe ee PSG, Kimpembe ayaa ammaanay Benzema, kaasoo uu xusay inuu yahay Weeraryahanka ugu adag ee uu wajahay.
24-sano jirkaan ayaa ku tilmaamay ninka ay isku Waddanka yihiin inuu yahay ciyaariyahankii ugu adkaa ee uu abid kaga horyimaado garoommada kubada cagta.
“Benzema, dadku waxay iga filanayaan inaan dhoho ciyaaryahan kale, laakiin maya, Benzema waxa uu leeyahay sirdoon ciyaareed cajiib ah.”
Benzema ayaa leh qaab ciyaareed cajiib ah, isagoo dhaliyey 19 gool tartammada oo dhan xilli ciyaareedkan, xiddiga reer France ayaana weli ah ciyaaryahanka labaad ee ugu goolasha badan horyaallada xilli ciyaareedkan, isagoo dhaliyay 14 gool, kaddib Lionel Messi oo dhaliyay 19 gool.
Gool FM.