(Barcelona) 09 Maajo 2020. Víctor Font oo ah musharraxa madaxtinimada ee Barcelona doorashooyinka soo socda ayaa sheegay in Xavi Hernandez uu aas-aas u noqon doono mashruuciisa sannadaha soo socda, isagoo dhinaca kale cadeeyay in Kylian Mbappé uu ka fiican yahay Neymar Jr.
Wargeyska “Sport” ee dalka Spain ayaa wuxuu shaaca ka qaaday wareysi uu bixiyay Víctor Font, wuxuuna yiri:
“Xavi Hernandez aas-aas u noqon doonaa mashruuca ciyaaraha ee kooxda Barcelona mudada 10-ka sano ee soo socota, waxaan ka shaqeeneynaa inuu noqdo inuu noqdo macalinkeena.”
Intaas kaddib, marka laga hadlayo labada ciyaaryahan ee kooxda Paris Saint-Germain ee Neymar Jr iyo Kylian Mbappé ayaa la weydiiyay Víctor Font midka uu doonayo inuu la saxiixdo, wuxuuna ku jawaabay:
“Waxaan jeclahay Kylian Mbappé in ka badan Neymar Jr, xiddiga reer Brazil wuxuu leeyahay hal abuur badan, laakiin laacibka reer France wuxuu diirada saaraa kubadda cagta.”
Sidoo kale Víctor Font ayaa wuxuu ka hadlay xiddiga lala xiriirinayo kooxda Barcelona ee Lautaro Martínez, wuxuuna yiri:
“Waan jeclaaday markii uu yimid Camp Nou isagoo la socda Inter Milan, laakiin go’aamada la saxiixashada ciyaartoyda, waxaa sameyn doona Xavi Hernandez iyo qaab dhismeedka isboortiga oo dhan.” ayuu yiri Víctor Font.
Gool FM.