(Yurub) 07 Maajo 2020. Xiddigii hore kooxda kubadda cagta Manchester United ee Ander Herrera ayaa aaminsan in Paul Pogba uu noqon karo ciyaaryahanka qadka dhexe ee ugu fiican adduunka.
Ander Herrera ayaa wareysi uu bixiyay waxaa soo xigtay war sidaha “Manchester Evening News” ee dalka England, waxaana hadaladiisa ka mid ahaa:
“Lama hadlin muddo dheer, mana ogi waxa uu doonayo inuu sameeyo”.
“Waa run in wargeysyadu ay maalin walba ka hadlaan rabitaankiisa ah inuu baxo, United-na wey iibin doontaa, haddii uu doonayo Pogba wuxuu noqon karaa xiddiga ugu fiican qadka dhexe ee adduunka”.
“Waligeey ma arkin xiddig qadka dhexe oo leh tilmaamahan oo dhan, dib ayuu u celin karaa kubbada, wuu baasi karaa, wuu difaaci karaa wuuna weerari karaa, wayna adag tahay in laga qaado kubadda”.
“Dhamaan taageerayaasha Man United, waxay rabaan inay arkaan inay daawadaan pogba oo heerkiisa ugu sareeya ku jira, sanad ama labada sano ee soo socda, waxayna ila tahay inay kooxdu ku guuleysan karto waxyaabo waaweyn”.
Gool FM.