(Roma) 24 Sebt 2016 Weerar yahanka kooxda Nice ee dalka faransiiska Mario Balotelli ayaa lafilayaa inuu dib ugu soo laabto xulka qaranka talyaaniga oo in mudo ah uusan u ciyaarin.
Sida ay baahisay Sky Italia, xiriirka kubadda cagta talyaaniga ayaa fariin u diray maamulka sare ee kooxda Nice iyaga oo ku wargaliyay in Mario Balotelli ay u yeerayaan kulamada xulku uu ciyaari doono bilowga bisha nagu soo aadan.
Xulka talyaaniga ayaa marti qaadi doona xulka Spain kulan ka tirsan isreeb reebka koobka aduunka ee 2018 6-da bisha October kulankaas oo lagu ciyaari doonaa garoonka Juventus Stadium, waxaana la filayaa in Balotelli uu ka soo muuqdo.
Sidoo kale xulka talyaaniga ayaa kulanka labaad la ciyaari doona xulka Macedonia 9-ka bisha October, waxayna noqon doontaa markii ugu horaysay ee Balotelli looga yeero xulka qaranka tan iyo markii uu la wareegay shaqada xulka tababare Giampiero Ventura.
Balotelli ayaa wacdaro ka dhigaya horyaalka faransiiska kadib markii uu 4-gool u dhaliyay kooxdiisa Nice 3-kulan oo uu u saftay taas oo dib u soo noolaysay in looga yeero xulka qaranka.
Gool FM