(Paris) 10 Mar 2015 Weerar yahanka kooxda PSG Zlatan Ibrahimovic ayaa ka hadlay guushii xalay ay kooxdiisu ka gaartay kooxda Chelsea oo ay marti u ahaayeen.
PSG ayaa kulankii hore ku soo adkaatay 2-1 halka xalayna ay ugu awood sheegatay Chelsea markale 2-1 taas oo ka dhigan inay uga soo baxday wadar ahaan goolal dhan 4-2.
Zlatan Ibrahimovic ayaa muujiyay inuusan qanacsanayn ilaa kooxdiisu ay ka qaado Champions League xiliciyaareed kan maadama ay haystaan fursad fiican.
“Waxaan soo bandhignay ciyaar fiican, waan ciyaarnay si wayn ayaan u maamulaynay kubadda, markii aan fursada helnayna 2-gool ayaan dhalinay” ayuu yiri Zlatan Ibrahimovic.
“Marka si guud loo fiiriyo waxaan u ciyaarnay sidii aan rabnay, laakiin kulanku ma ahayn mid fudud sidii aad daawateen”.
“Waxaan soo bandhigaynaa oo aan samaynaynaa waxyaabo fiican, laakiin ugu danbayntii ilaa haatan ma qanacsanin”.
Gool FM