(Paris) 29 Okt 2016 Wakiilka laacibka qadka dhexe ee kooxda PSG Marco Verratti ayaa ka hadlay mustaqbalka xiddiga uu wakiilka u yahay.
Marco Verratti ayaa soo muujiyay inuusan ku qanacsanayn go’aamada tababare Unai Emery kadib kulankii uu badalay isbuucii hore markaas oo uu hadalo caro leh ku yiri tababaraha reer Spain.
Sidoo kale saxaafada dalka Faransiiska ayaa baahiyay sawirka Marco Verratti oo cabaya sigaar, taas oo keentay in wakiilkiisu uu shaki galiyo mustaqbalkiisa kooxda reer France.
“Verratti wuxuu doonayaa inuu guulo la gaaro PSG, sidaas oo ay tahay haddii uu sii socdo weerarka uga imaanaya saxaafada faransiiska, waan ka fiirsan doonaa arinkaas, waana uu ka tagi doonaa kooxda” ayuu u sheegay Rai jimcihii.
Marco Verratti ayaa ka mid ah ciyaartoydii laf dhabarta u ahaa kooxda PSG sanadihii la soo dhaafay laakiin shaki ayaa soo galay mustaqbalkiisa kooxda kadib markii uu yimid tababare Emery.
Gool FM