(London) 29 Oktoobar 2016. Naadiga Chelsea ayaa la warinayaa inay qorsheynayso inay u dhaqaaqdo xiddiga PSG Javier Pastore marka uu furmo suuqa kala iibsiga ciyaartoyda.
Laacibka reer Argentina ayaa 2011-dii adduun dhan 36-milyan ugu soo dhaqaaqay kooxda ka dhisan caasimada Faransiiska wuxuuna ka soo muuqday horyaalka Ligue 1 212-kulan.
Laakiin wuxuu iminka ku guul dareystay inuu boos ka helo macallinka cusub ee PSG Unai Emery.
Get French Football News ayaa iminka sheeganeysa in Chelsea ay u soo dhaqaaqi doonto Pastore bisha Janaayo marka uu suuqa furmo.
Macallinka Blues Antonio Conte ayaa sida muuqata ku raad joogay Pastore tan iyo suuqii xagaaga.
Wararka ayaa inta aku daraya in xiddiga qadka dhexe uu qorshe lagu helayo lacago badan ka helay Horyaalka Shiinaha iyo waliba Serie A.
Hasayeeshee, Chelsea ayaa u baahnaan doonta inay boos uga sameyso Pastore qadkeeda dhexe si uu ugu soo biiro.
Cesc Fabregas ayaa ku dhitoonaya siduu boos ku heli lahaa halka John Obi Mikel uusan weli Chelsea ka soo muuqan kal ciyaareedkan.
Gool FM.