(Milan) 26 Okt 2016 Kooxda Inter Milan ayaa ku soo biirtay tartanka loogu jiro saxiixa laacibka qadka dhexe ee kooxda PSG Marco Verratti.
TuttoSport ayaa daaha ka qaaday in Marco Verratti uu doonayo inuu isaga tago kooxdiisa PSG kadib markii ay isku dheceen tababaraha reer Spain ee Unai Emery.
Verratti ayaa la arkayay isaga oo si caro leh ula hadlaya tababare Unai Emery kadib markii uu badalay kulankii PSG ay 0-0 lagashay kooxda Marseille, wakiilka laacibka ayaa dhankiisa beeniyay inuu ka tagi doono kooxdiisa PSG.
10 kulan oo PSG ay ciyaartay xiliciyaareed kaan horyaalka faransiiska ayuu ku soo bilowday kaliya Marco Verratti 5 kulan, wuxuuna soo muujiyay inuusan ku faraxsanayn kooxda reer France.
Inter Milan iyo Juventus ayaa wada doonaya 23 jirka reer talyaani kaas oo dalbanaya in mushaar loosiiyo sanadkii 6 milyan oo euro.
Gool FM