(Manchester) 08 Okt 2020. Kooxda Manchester United ayaa la soo warinayaa inay weli macquul tahay inay u dhaqaaqdo soo xero-gelinta Ousmane Dembele, kaasoo ay doonayaan inay kala soo wareegaan naadiga Barcelona.
Wargeyska Daily Mail ee ka soo baxa dalka Ingiriiska ayaa warinaya in Ousmane Dembele uu ku dambeyn karo Kooxda Manchester United marka dib loo furo suuqa kala iibsiga xiddigaha bisha Janaayo ee sanadka cusub.
Red Devils ayaa isku dayday inay heshiis amaah ah kula soo wareegto ciyaaryahanka ku guuleystay Koobka Adduunka maalintii ugu dambeysay suuqa kala iibsiga xiddigaha ee xagaaga, laakiin heshiiskaan ayaan noqon mid dhaqan gala.
Yeelkeede, Wargeyska Daily Mail ayaa haatan daabacay inay Man United ay sii wadi doonto xiisaheeda ay u hayso xiddigan, isla markaana ay qorsheynayaan inay ugu dambeyn sanadka cusub keenaan garoonka Old Trafford.
Ousmane Dembele oo ay dhaawacyo la dageen ayay Barcelona iska iibin doontaa haddii ay ku hesho qiimo sax ah.
Gool FM.