(Yurub) 03 Dis 2021. Xiddiga reer Brazil iyo kooxda Paris Saint-Germain ee Neymar Jr ayaa carabka ku adkeeyay inuu doonayo inuu markale la ciyaaro saaxiibkiis hore ee Lionel Messi.
Neymar Jr ayaa kaga soo garab ciyaaray Lionel Messi kooxda Barcelona, kahor inta uusan ugu biirin naadiga uu haatan ka tirsan yahay ee Paris Saint-Germain xagaagii 2017 qiimo lacageed dhan 222 million euros.
Xiddiga reer Brazil ee Neymar Jr ayaa kaddib guushii ay xalay ka gaareen kooxda Manchester United wuxuu u sheegay warbaahinta:
“Waxa aan doonayo in ka badan wax walba oo kale waa inaan markale ka garab ciyaaro Lionel Messi.”
“Waxaan doonayaa inaan mar kale la baashaalo, waan hubaa inay tahay inaan sameyno xilli ciyaareedka soo socda.”
Si kastaba ha noqotee Neymar Jr ayaan shaaca ka qaadin kooxda uu doonayo inuu kula ciyaaro markale Lionel Messi xilli ciyaareedka soo socda, iyadoo laga war qabo in qandaraaska Leo ee kooxda Barcelona uu dhacayo bisha June ee soo socota, isla markaana uu xaq u leeyahay inuu si bilaash ah ku baxo dhamaadka xilli ciyaareedkaan.
Gool FM.