(Yurub) 03 Dis 2020. Isku aadka kama dambeysta UEFA Nations League 2021 ayaa lagu qaban doonaa maanta xarunta dhexe ee UEFA, iyadoo Talyaaniga uu ka mid yahay afarta Waddan ee isugu soo haray tartankan.
Marka ay saacadda UK tahay 16:30 galabnimo oo u dhigan 7:30 Fiidnimo xilliga Geeska Afrika ayaa la sameyn doonaa isku aadka afar dhammaadka tartanka UEFA Nations League, Dalka Talyaaniga ayayna u muuqataa inuu marti gelin doono kulammada kama dambeysta kuwaasoo ku jadwalaysan October 2021.
UEFA ayaa ku shaacisay boggeeda rasmiga ah in Guddiga Fulinta ay kulmi doonaan si loo xaqiijiyo martigaliyaha kaddib marka la sameeyo isku aadka caawa.
Ma jiraan wax la kala ilaalinaayo isku aadka, iyadoo semi-finalka la jadwaleeyey in la ciyaaro 6-da iyo 7-da October, halka Final-ka la qaban doono 10-ka October 2021.
Haddaba halkaan hoose ka eeg afarta xul ee loo sameyn doono isku aadka UEFA Nations League:-
Group 1: Italy
Group 2: Belgium
Group 3: France
Group 4: Spain
Gool FM.