(France) 17 Nof 2016. Mario Balotelli ayaa qaab ciyaareed wacan galay tan iyo sidii uu ugu tagay Premier League uguna biiray horyaalka Ligue 1 dalka Faransiiska.
Mario ayaa sii cago cageynaya lix gool iyadoo kooxdiisa Nice ay hogaanka saddex dhibcood oo nadiif ah kaga heyso kooxda xafidaneysa Ligue 1 ee PSG.
Haddaba weeraryahanka reer Talyaani ayaa ballan qaaday haddii ay kooxdiisu hanato horyaalka sanadkan inuu diyaaradaha qumaatiga u kaca (helicopter) uu dul marin doona magaalada Nice.
“Weli waxa harsan wado dheer ay tahay in lagu socdo, laakiin haddii aan ku guuleysano horyaalka, waxaan soo qaadan doonaa Helicopter waxaan dul marin doonaa Nice.”. Mario Balotelli ayaa sidaa u sheegay Mediaset Premium.
Gool FM.