(Paris) 24 Nov 2016 Weerar yahanka kooxda PSG ee Edinson Cavani ayaa ka hadlay wararka la xiriirinaya kooxda reer Spain ee Atletico Madrid.
Edinson Cavani ayaa xaqiijiyay inuu mar ku dhawaa ku biirida kooxda reer Spain ee Atletico Madrid laakiin wuxuu meesha ka saaray in arinkaas uusan haatan meesha oolin.
Cavani ayaa xalay hogaanka u dhiibay kooxdiisa PSG kulan kooxdiisu ay 2-2 lagashay Arsenal, wareega guruubyada ee Champions League.
“Haa, waan u dhawaa, laakiin mararka qaar kubadda cagta waxaad ku arkaysaa ka badbadis badan” ayuu yiri Cavani mar wax laga waydiiyay Atletico Madrid.
“Waxaa jirtay fursad aan ugu biiri karay, laakiin haatan waxaan heshiis kula jiraa PSG, sidaan horay u sheegay waan ixtiraami doonaa heshiiskayga PSG ilaa maalinta ugu danbaysa, inta ka harsan nolosheydana waxaan difaaci doonaa funaanada kooxdayda”.
Gool FM