(Paris) 06 Maajo 2021. Kooxda kubadda cagta PSG ayaa la soo warinayaa in haddii uu ka tago Kylian Mbappe ay qorshaheeda labaad ka dhiganayso inay la soo wareegto xagaagan Weeraryahan ka tirsan LIverpool.
Paris Saint-Germain ayaa durba rajaynaysa inay xilli ciyaareedka soo socda dib ugu soo laabto tartammada Yurub, kaddib markii ay Kooxda Manchester City ka reebtay dhowaan Koobka Horyaallada Yurub ee UEFA Champions League.
Kooxda difaacanaysa horyaalka Ligue 1 ayaa la soo warinayaa inay xagaagan ugaarsi u galayso inay Mohamed Salah kala soo saxiixato Liverpool.
Sida uu warinayo Warsidaha Le Parisien, Salah ayaa ah qorshahooda labaad haddii Kylian Mbappe uu go’aansado inuu kooxda ka tago xagaagan.
Dhinaca kale mustaqbalka Salah ee garoonka Anfield ayaan kala caddeyn kaddib xilli ciyaareedkii adkaa ee Liverpool ku jirtay natiijo ahaan, waxaa jira xiiso kaga imaaneysa PSG.
Kooxda reer France ayaa raadineysa Lionel Messi iyo Cristiano Ronaldo taasoo u muuqa mid aad u adag, iyadoo ciyaaryahanka reer Masar ee Salah uu yahay dookha macquulka ah oo ay la soo saxiixan karaan.
Liverpool ayaa lagu soo warramayaa inay diyaar u tahay inay dalab ku kacaya 80 milyan oo euro ka gudbiso 29-sano jirkaan ah, kaasoo ay PSG u aragto inay fure u tahay ku guuleysigooda mustaqbalka ee Champions League.
Sida laga soo xigtay Le Parisien, la soo saxiixashada Salah ayaa sidoo kale wax ku kordhin doontaa mid ka mid ah riyada milkiilayaasha PSG, iyadoo la xusuusto in saxiixa ay horay ugu fashilmeen baacsiga Samir Nasri iyo Adel Taarabt.
Gool FM.